Ingurunearen Ezaguera

Oinarrizko Jakintzak

Giza eskeletoaren Anatomia

TOPIKOA: Logika
FUNTSEZKO KONPETENTZIA: Konpetentzia digitala
KONPETENTZIA ESPEZIFIKOA: Ingurune
OINARRIZKO JAKINTZAK : Giza eskeletoaren anatomia eta funtzioa.
HELBURUAK: Giza eskeletoarekin lotutako kontzeptuak ulertzen laguntzea eta Bee-Bot bezalako baliabide teknologikoak erabiltzea ulermena eta ikaskuntza hobetzeko.

ZEREGINAK:
1.Ataza: Naturako klasean 55 minutuko saio batean, giza eskeletoaren gaia jorratuko dugu. Saioa bi zatitan banatuko dugu: lehenik, lehenengo 20 minutuetan, ikasleek beren ezagutzak probatuko dituzte, gaiarekin zerikusia duten galderei erantzunez eta horien egiazkotasuna eztabaidatuz. Ondoren, hurrengo 35 minutuetan, eskeletoaren gaineko edukiak arakatuko ditugu, arbel digitalean Power Point aurkezpen bat erabiliz.

2.Ataza: Natura irakasgaiaren 55 minutuko beste saio batean, aurreko eguneko ikaskuntza indartuko dugu. Lehenengo 35 minutuetan, arbelean egongo den eskeleto baten argazkian ikasleek hezurren izenak jarriko dituzte. Saioarekin bukatzeko, hau da, geratzen diren 20 minutuetan kahoot bat egingo dugu ikasleek ikasitakoa barneratu dezaten.

3.Ataza: 55 minutuko hirugarren saio batean esperientzia praktikoak eskainiko ditugu. Lehenengo 25 minutuetan, ikasleek eskeleto bat manipulatu ahal izango dute laborategian. Gero, azken 30 minutuetan, Bee-bot erabiltzen ikasiko dute esperimentazio aktiboaren bidez.

4.Ataza: Naturako klasean 55 minutuko saio bat erabiliko dugu jarduera honetarako. Eskeleto bat jarriko dugu lurrean eskalan (Ikusi 1. Irudia), eta ikasleek hezurrak identifikatu beharko dituzte Bee-bot eta Quigg aparatua duten kolore-markatzaile plastifikatuak erabiliz (Bideoa ikusi).

Irudia.

Koloreak eta toki lokalak deskubritzen

EDUKIA: Logika
FUNTSEZKO KONPETENTZIA: Konpetentzia digitala
KONPETENTZIA ESPEZIFIKOA:
OINARRIZKO JAKINTZAK (EDUKIAK): Koloreak eta herriko leku tipikoak
HELBURUAK: Koloreak ezagutzea eta tokiko ingurunea esploratzea eta ezagutzea.

ZEREGINAK:

2 saiotan banaduta dago:

Lehenengoan, erlearen funtzionamendua ikasiko dute, erlearen erabilera menperatzeko.

Hurrengo saioa 2 zereginetan banatuko da. Talde bakoitzari, plano eta erle bat esleituko zaio. Gainera, tablet bat erabiliko dute, QR kodeak eskaneatzeko eta jarduera horretan zer egin behar den jakiteko. Tablerik ez balego irakasleek orriak imprimitu ditzakete.

Lehenengo ataza: Jarduera honetan, fitxan agertzen diren urratsak eta konbinazioak jarraitu behar dituzte. Hau da, fitxan agertuko diren urratsak jarraitu behar dira eta kolore batzuen osaketa egiteko agertuko da ere. Beraz, Bee Bot-arekin koloreak igarri beharko dira (Deskargatu fitxa koloreak).

Bigarren ataza: Fitxa batean, jarraitu beharreko urratsak izango dituzte, eta erlearekin adierazitako lekuetara iritsi beharko dute, adibidez, lakura, eskolara…Dibertigarriagoa izateko, nora joan behar duten asmatu beharko dute, pista batzuk jarraituz. Horrela, taulan dagoen leku bakoitzaren ezaugarriak ikasiko dituzte (Deskargatu fitxa lekuak).

Bi atazen bideoak:

Munduko kontinenteak ezagutzen

TOPIKOA: Logika
FUNTSEZKO KONPETENTZIA: Konpetentzia digitala
KONPETENTZIA ESPEZIFIKOA: Inguru
OINARRIZKO JAKINTZAK: Munduko geografia
HELBURUAK: Kontinenteak ezagutzea eta arrazoitze logikoko trebetasunak garatzea

ZEREGINAK:

Saio hau 2 atazetan bananduta dago:

1.atazan, kontinenteei buruzko azalpen-bideo batekin hasiko dira (Youtuben bilatu). Ondoren, bikoteka jarriko dira, eta bikote bakoitzak kontinenteei buruzko hainbat galdera egingo dizkio bere lagunari.

2. atazan, ikasle batek herrialde bat pentsatuko du. Gainontzekoek herrialdea asmatu beharko dute, galderak egitearen bitartez. Herrialdea pentsatzen duenak BAI/EZ erantzunak soilik erantzun ditzake.

-BAIezkoa erantzutean, BeeBot-arekin pausu bat aurreratu ahal izango dute. Herrialdea asmatu eta iristea izango da helburua.

-EZezekoa erantzutean, beste galdera bat egin behar dute, aurreratu ahal izateko (Ikusi bideoa).